ئه‌مڕۆ شه‌ممه 29ی ئایار، بەبۆنەی خەڵاتکردنی بەڕێز فەخری کەریم لە لایەن لوتکەی میدیای عەرەبیەوە لە دوبەی سەرۆک مەسعود بارزانی لە نامەیەکدا پیرۆزبایی لە کەسایەتی و ڕۆشنبیری ناسراوی عێراقی و سەرۆکی دەزگەی ئەلمەدا فەخری کەریم کرد کە ئەمەی خوارەوە دەقەکەیەتی:
برای بەڕێز و خۆشەویست فەخری کەریم
بە خۆشحاڵیی زۆرەوە هەواڵی خەڵاتکردنتانم لەلایەن لووتکەی میدیای عەرەبییەوە لە دوبەی بە دەستنیشانکردنتان وەک کەسایەتیی میدیای گشتیی پێگەیشت.
هەڵبەت ئەم خەڵاتکردنەتان شیاوی پێگە و ڕێچکەی بەخشینی فەرهەنگی و میدیاییتانە. بەم بۆنە دڵخۆشکەرەوە، گەرمترین پیرۆزباییتان لێ دەکەم، ئومێدی تەندرووستیی باش و سەرکەوتنی زیاتر و داهينانی زیاتر بۆ دەخوازم.
براتان
مەسعود بارزانی
31ی ئایاری 2025