بە فەرمانی سەرۆكی حكوومەتی هەرێمی كوردستان چەند پڕۆژەیەك لە سنووری پارێزگای هەڵەبجە جێبەجێ دەكرێن بە مەبەستی خزمەتكردنی زیاتری پارێزگاكە.
بەگوێرەی نووسراوێكی وەزارەتی شارەوانی و گەشتوگوزار، رەزامەندی لە مەسرور بارزانی سەرۆكی حكوومەتی هەرێمی كوردستان وەرگیراوە بۆ جێبەجێكردنی پڕۆژەی دروستكردنی ئاوەڕۆی سندووقی لە گەڕەكی ئەندازیاران لە پارێزگای هەڵەبجە.
لەبارەی پڕۆژەكە، سەرۆكایەتی شارەوانی هەڵەبجە بڵاوی كردۆتەوە: بە بودجەی زیاتر لە 3 ملیار دینار ڕەزامەندی وەرگیراوە بۆ جێبەجێکردنی پڕۆژەی ڕێگرتن لە دووبارەبوونەوەی دروستبوونی لافاو بە جێبەجێکردنی زێرابی سندووقی و چەند بڕگەیەکی تر.
هەروەها بڵاوی كردۆتەوە: لە ماوەی هەفتەیەکدا دوو ڕەزامەندی دیكەمان وەرگرتووە بە بڕی ملیار و 650 ملیۆن دینار بۆ ڕێگاسازی گەڕەکی ئەندازیاران و 860 ملیۆن بۆ ڕێگاسازی ناوچەی پیشەسازی.
دەقی نووسراوی وەزارەتی شارەوانی و گەشتوگوزار سەبارەت بە پڕۆژەكەی پارێزگای هەڵەبجە:-
