سالڤه‌گه‌را (32)ێ يا ئاڤاكرنا بنگه‌هێ لالش يێ ڕه‌وشه‌نبيرى، ب گه‌رمى ل هه‌مى خوشك و برايێن ئێزدى پيرۆز دكه‌م. كار و خزمه‌ت و به‌رهه‌مێن بنگه‌هێ لالش، ب ڕێز و پێزانين دنرخينم. ده‌ستخۆشيێ ل تيما ڕێڤه‌به‌رى و هه‌مى كارمه‌ندێن بنگه‌هى دكه‌م. هيڤيا سه‌ركه‌فتنا به‌رده‌وام بۆ وان دخازم.
د ڤێ بيرهاتنێدا ديسا ته‌كه‌زێ لسه‌ر هه‌مى پشته‌ڤانى يا خۆ بۆ كار و چالاكى يێن بنگه‌هێ لالش دكه‌م. وه‌ك هه‌رده‌م دێ هاريكار بم دا يێ به‌رده‌وام بيت و وه‌ك كانييه‌كا زه‌لال كو دهوڕته د ڕووبارێ ڕه‌وشه‌نبيرييا كورديدا، خزمه‌ته‌كا باشتر يا ڕه‌وشه‌نبيريا كوردى و بتايبه‌تى ئێزدياتيێ بكه‌ت.
هه‌ر دڤێ هه‌لكه‌فتنێدا خوشك و برايێن خۆ يێن ئێزدى و هه‌مى پێكهاتێن كوردستانێ ژ هه‌ر ئۆل و نه‌ته‌وه‌يه‌كێ بن، پشتڕاست دكه‌م كو هه‌رده‌م دێ پشته‌ڤان و پارێرڤانێن مافێن وان بم و كوردستان بۆ مه هه‌ميا دێ هه‌ر مينيت وه‌لاتێ پڕڕه‌نگى و هه‌ڤقه‌بوولكرنێ و پێكڤه‌ژيانا ئاشتيانه.
نێچيرڤان بارزانى
سه‌رۆكێ هه‌رێما كوردستانێ
2025/5/12