نوێنەری سەرۆک بارزانى و نوێنەرى سەرۆکى حکومەتى هەرێم، بۆ گەیاندنى پرسە و سەرخۆشى سەردانى نووسینگەى “دەم پارتی”یان کرد

ئێوارەى ئەمڕۆ دووشەممە 2025.5.5، کەمال کەرکوکى، نوێنەرى سەرۆک بارزانى و ئومێد خۆشناو، نوێنەری سەرۆکی حکومەتی هەرێمی کوردستان، بەیاوەرى بڵند ئیسماعیل و عەلى عەونى، ئەندامانى کۆمیتەى ناوەندى پارتى دیموکراتى کوردستان، بەمەبەستى گەیاندنى هاوخەمى و سەرەخۆشى بەبۆنەى کۆچى دوایی کەسایەتی و سیاسەتمەداری تورکیا و هاوسەرۆکی پێشووی دەم پارتی و بریکاری سەرۆکی پەرلەمانی تورکیا و ئەندامی شاندی ئیمرالی “سری سورەییا ئۆندەر”، سەردانی نووسینگەى هەولێرى پارتی یەکسانی و دیموکراسیی گەلان – دەم پارتیـان کرد و لەسەردانەکەیاندا، پرسە و سەرەخۆشی سەرۆک بارزانی و سەرۆکى حکومەتی هەرێمی کوردستان و مەکتەبى سیاسى و کۆمیتەى ناوەندى و سەرکردایەتى پارتى دیموکراتى کوردستانيان گەیاند.