وەزیری کارەبای هەرێمی کوردستان، باس لەوە دەکات،گرفتی سەرەکیی بەرهەمهێنانی کارەبا لە هەرێمی کوردستان، کێشەی کەمیی سووتەمەنی بوو، کە تاوەکوو 2005 هیچ بڕێکی غازی شل نەبوو.
کەمال محەممەد، وەزیری کارەبای هەرێمی کوردستان، لە ڕێورەسمی ئیمزاکردنی گرێبەستی نێوان کۆمپانیای تۆرۆس و جێنێراڵ ئیلیتریک وەزیری کارەبای هەرێمی کوردستان، ڕایگەیاند:لە ساڵی 2005 لە هەرێمی کوردستان دوو وێستگەی بەرهەمهێنانی کارەبای کەهرۆئاوی هەبوون ئەویش دەربەندیخان و دووکان کە دەتوانرا تەنها بڕی 200 مێگاوات کارەبا بەرهەم بهێنیت، بەڵام ئێستا لە هەرێمی کوردستان 8189 مێگاوات کارەبامان لە کوردستان هەیە، لەو بڕەدا کۆمپانیای جی ئی ئەمەریکی 5250 مێگاوات کارەبا بەرهەم دەهێنێت، کە دەکاتە %64ی کۆی گشتیی بەرهەمی کارەبای هەرێم.
وتیشی : گرفتی سەرەکیی بەرهەمهێنانی کارەبا لە هەرێمی کوردستان، کێشەی کەمیی سووتەمەنی بوو، کە تاوەکوو 2005 هیچ بڕێکی غازی شل نەبوو بۆ بەرهەمهێنانی کارەبا، بەڵام ئێستا توانای هەرێمی کوردستان لە غازی شل بۆ بەرهەمهێنانی کارەبا، ئێستا زیاتر لە 650 ملیۆن پێی مەتر سێجا یە.
باسی لە پرۆژەی کارەبای 24 کاتژمێری کرد و هاووڵاتیانی دڵنیا کردەوە کە نرخەکەی بەو شێوەیە نییە باس دەکرێت و ڕایگەیاند: خەلکی خۆمان دڵنیا دەکەینەوە ئەو نرخانەی باسی لێوەدەکرێت بە هیچ جۆرێک راستنییە پرۆژەی رووناکی بۆ رووناکردنەوەی ماڵەکانتان بە 24 کاژمێری و بە پێی بەکارهێنانی خۆتان نرختان بۆ دێتەوە، سەبارەت بە ئامارەکانی مانگی ٣ گوتی 104 هەزار هاوبەشمان هەیە لە 65٪ ی هاووڵاتییان کەمتر لە 42 هەزار دیناری عێراقیان بۆ هاتووەتەوە.