دۆخی تەندروستیی بابەشێخ تێک چوو

دوێنێ تەندروستیی بابەشێخ، باوکی ڕۆحیی ئێزیدیان تێک چووە و بەپەلە گەیەندراوەتە نەخۆشخانە، پاش ئەوەی تەواوی پشکنین و چارەسەرییەکانی بۆ کراوە،  ئێستا دۆخی تەندروستی باشە.
سەباح سمێل، بەرپرسی ڕاگەیاندنی بابەشێخ ڕاگەیاند: دوێنێ هەینی 4ـی نیسانی 2025، دوای تێکچوونی باری تەندروستی، بابەشێخ گواستراوەتەوە نەخۆشخانەی دهۆک و دەستبەجێ چارەی پێویستی بۆ کرا، بۆ هەموو خەڵکی کوردستان و ئێزیدیان ئاشکرای دەکەین، ڕەوشی تەندروستیی بابەشێخ زۆر باشە و هەموو چارەیەکی پێویستی بۆ کراوە.
دەشڵێت: هەفتەی ڕابردوو، بەهۆی ڕێوڕەسمەکانی قوڕکێشان و نان و ماست لە لالش، بابەشێخ ماندوو بووە، بۆیە دۆخی تەندروستی تێک چوو، بەڵام ئەمڕۆ دوای پشکنین و چارەی پێویست، ئێستا دۆخی تەندروستیی بابەشێخ زۆر باش بووە.