بە بڕیاری سەرۆكوەزیران مەسرور بارزانی، بە گوژمەی زیاتر لە ( 560 ملیار دینار) کارکردن لە پرۆژەی دوو سایدی هەولێر – کۆیە دەستی پێکردووە و ڕۆژانە زیاتر لە 100 ئامێری شۆفڵ و گرێدەر و قەڵابە و جۆرەها ئامێری دیكە و ستافی ئەندازیار ، 8 بۆ 10 کاتژمێر كار لەو پڕۆژەیە دەكرێت.
لە ئێستادا قۆناغی یەكەم و دووەم و سێیەمی جێبەجێکراوە و لە قۆناغی چوارەم دایە.
ڕێگاكە 37 كیلۆمەترە و 32 مەتر پان دەبێت و پردێكی بە درێژیی 250 مەتر لەسەری دروست دەكرێت، هەروەها 5 ئۆڤەرپاسیشی تێدا دەبێت.
بەتەواوبوونی دەبێتە ڕێگایەکی ستراتیژی و ئاسانکارییەکی زۆر پێشکەش بە هاتوچۆی هەوڵاتییان لە نێوان هەولێر -کۆیە دەکات.