بەئامادەبوونی بەڕێزان (د. سامان بەرزنجی) وەزیری تەندروستی و (نیكۆلۆ فۆنتانا) باڵیۆزی ئیتاڵیا لە عێراق و (د. دلۆڤان محمد) بەڕێوەبەری گشتی تەندروستی هەولێر و (تۆماسۆ سانسۆن) کونسڵی گشتی ئیتاڵیا و تیمی سەربازی هاوپەیمانانی ئیتاڵیا و فەرماندەی هێزەکانی ئیتاڵیا و تیمی پزیشکی سەربازی ئیتاڵی لە هەرێمی کوردستان، مەڕاسیمی ڕادەستکردن و وەرگرتنی بەخشینی بڕێکی زۆری دەرزی جۆری ڤیتامین D بەڕێوەچوو کە لەلایەن تیمی پزیشکی سەربازی هێزەکانی هاوپەیمانانی ئیتاڵیا دابینکرابوو.
بەڕێز وەزیری تەندروستی سوپاس و دەستخۆشی بێ پایانی حکومەت و هاوڵاتیان و بڵیۆز و کونسڵی گشتی و هێزەکانی هاوپەیمانانی ئیتاڵیا و ڕێکخراوەکانی ئیتاڵیا و دۆستەکانمانی کرد کە لە ساڵانی ڕابردوو و تا ئێستاش ڕۆڵی گەورەیان لە هاوکاریکردن و پاڵپشتیکردنی دامودەزگاکانی تەندروستی هەبووە و چەندین جار پڕۆژەی گەورە و خێرخوازی جۆراوجۆریان هەبووە.