بەڕێوەبەری بانکی باخان لە سلێمانی دوور دەخرێتەوە، هۆکاری دوورخستەوەکەی پەیوەندی بە دواخستنی موچەی هێزەکانی 70، بەهۆیناڕەزایەی بەشێکی زۆر لەو پێشمەرگانەی خانەنشین و لەو بانکە موچە وەردەگرن.
بەگوێرەی ئەو خشتەی وەزارەتی دارایی و ئابوری حکومەتی هەرێمی کوردستان بڵاوی دەکاتەوە دەبوایە ڕۆژی 17مانگی سێ، مووچەیخانەنشینانی پێشمەرگە لە سەرتاسەری هەرێمی کوردستان دابەش بکرایە، بەڵام لە سنووری پارێزگاکانی سلێمانی و هەڵەبجە و ئیدارەسەربەخۆکانی گەرمیان و ڕاپەڕین چەند ڕۆژێک دواکەوت،.
ئەمڕۆ یەکشەممە کە 23ی مانگ بوو و پشوو بوو، بانکی کێوەڕەش لە ئیدارەی سەربەخۆی ڕاپەڕین مووچەی خانەنشینانی پێشمەرگە وهێزەکانی 70ی دابەش کرد کە دەبوایە لە کاتی خۆی بەدابەشیان کردبایە.
– لە ڕاگەیێنراوێکی بانکی کێوەڕەشدا هاتووە، بەشێکی بانکەکان زۆر قەرەباڵغن بۆیە ناتوانن لە یەک کات مووچەی هەموومان دابەش بکەن،دەیکەنە سەرە و هەر ڕۆژە و بەشێکیان.
– سەرچاوەیەک لە وەزارەتی دارایی و ئابووریی هەرێمی ڕاگەیاندووە، بەشێکی زۆری کێشەکە لە بانکی باخان بووە لە سلێمانی، بەهۆیەوەئاکۆ عومەر، بەڕێوەبەری بانکەکە دوورخراوەتەوە.
ئاکۆ عومەر، بەڕێوبەری بانقی باخان لە سلێمانی ڕاگەیاند، هیچ نووسراوێکی لەسەر دوورخستنەوەی و کۆتاییهاتنی ڕاژەکەی وەکبەڕێوبەری بانک پێنەگەیشتووە، تەنها بە زارەکی لە وەزارەتی داراییەوە بڕیاری دوورخستنەوەی پێ گوتراوە.
– لە وەزارەت پێیان وتم بۆیە لە ئەرکەکەت دوور دەخرێیتەوە، کتابی خەرجکردنی مووچەت بۆ خانەنشینانی پێشمەرگە واژۆنەکردووە، بەڵامگرفتەکە لای من نەبوو.