ئێوارەی ئەمرۆ یەکشەممە 3/23، مەسرور بارزانی سەرۆکی حکومەتی هەرێمی کوردستان، لە پیرمام ، بەشداریی لە پرسەی کەسایەتیی و پێشمەرگەی هەردوو شۆڕشی ئەیلوول و گوڵان حاجی میرخان دۆڵەمەری کرد.
سەرۆکی حکومەت لە پرسەکەدا وەک پێزانینێک ئاماژەی بە رۆل و خەباتی خوالێخۆشبوو کرد و سەرەخۆشیی خۆی ئاراستەی خانەوادەکەیان کرد و هیوای خواست خوای گەورە بە بەهەشتی بەرینی شاد بکات و ئارامیی و دڵنەوایی بە کەسوکاری ببەخشێت.