شیڤان شێرزاد
ساڵانە پێشبڕکێیەکی تایبەت بە قورئان خوێندن مانگی ڕەمەزانی پیرۆزدا لە دەزگای خێرخوازی حاجی یەحیا بە بەشداری ١٠٠ قوتابی بەڕێوەدەچێت و لە نێویشیاندا ٦٠ قوتابی دەبن بە خاوەنی خەڵات لە ئاستە جیاوازەکانی لەبەر کردنی قورئانی پیرۆز.
ئەمساڵیش چواردەمین خولی پێشبڕکێیەکە لە بنکەی حاجی یەحیا باجگر بەشێوەیەکی فراوان و بە ئامادەبوونی پارێزگاری هەولێر و بەرپرس و مامۆستایانی ئایینی و شارەزایان لە بواری ئایین خولەکە بە پێدانی خەڵات و پێشکەشکردنی زنجیرەیەک وتار دەربارەی ڕێکخستنی پێشبڕکێیەک و هەماهەنگی دەزگاکە لەگەڵ وەزارەتی ئەوقاف و کاروباری ئایینی بە کۆتا هات و دیاری بەخشرایە بەشداربووان و سەرکەوتووانی خولەکە.
