ئه‌مرۆ چوارشه‌ممه رێكه‌وتی 5.2.2025 ئومێد خۆشناو پارێزگاری هه‌ولێر پێشوازی له مامۆستای هونه‌رمه‌ند عه‌زیز شارۆخی كرد كه به‌یاوه‌ری فه‌رهه‌نگ غه‌فور به‌رێوه‌به‌ری گشتی رۆشنبیری و هونه‌ری هه‌ولێر سه‌ردانی دیوانی پارێزگایان كردبوو…
له دیدارێكی دۆستانه‌دا پارێزگاری هه‌ولێر خۆشحاڵی به‌هاتنی هونه‌رمه‌ند عه‌زیز شارۆخی نیشاندا کە بریارە کۆنسێرتێک پێشکەش بکات، و ستایشی هونه‌ری ڕه‌سه‌نایه‌تی و هه‌ڵوێستی كوردانه‌ی هونه‌رمه‌ندی كردو به نمونه‌ی هونه‌رمه‌ندی گه‌وره‌ی كورد ناوی برد كه مۆركی تایبه‌تی خۆی به‌سه‌ر هونه‌ری كوردیدا به‌جێهێشتووه، ئه‌وه‌ش له‌پێناو پاراستن و په‌ره‌سه‌ندنی هونه‌ری ره‌سه‌نی کوردی، ئه‌وه‌شی دووپاتكرده‌وه كه مامۆستای عه‌زیز شارۆخی ته‌مه‌نی خۆی بۆ شكۆی هونه‌ری ره‌سه‌نی كوردی ته‌رخانكردووه و هونه‌ره‌كه‌شی له هه‌موو كوردستان پێگه‌و رێزی تایبه‌تی خۆی هه‌یه. له‌لایه‌ن خۆیه‌وه هونه‌رمه‌ند عه‌زیز شارۆخی سوپاسی پارێزگاری هه‌ولێری كرد بۆ ئه‌و پێشوازیه گه‌رمه‌ی لێكراوه، خۆی به خزمه‌تكارێكی هونه‌ری ره‌سه‌نی كوردی هه‌ژماركرد و تاكیدی كرده‌وه تاوه‌كو تاقه‌تی له‌به‌ردا بێت له‌سه‌ر خزمه‌تكردنی هونه‌ری كوردی به‌رده‌وام ده‌بێت .