پێشمەرگەیەکی لیوای چواری هێزی پیادەی سەر بە وەزارەتی پێشمەرگەی هەرێمی کوردستان بەهۆی تەقینی مینێکی چێندراو، لە سنووری ئامێدی گیانی سپارد.
وەزارەتی پێشمەرگەی هەرێمی کوردستان، ئەمڕۆ دووشەممە 6ـی کانوونی دووەمی 2025، لە ڕاگەیەندراوێکدا بڵاوی کردەوە، پێشمەرگەیەک بەهۆی تەقینی مینێکی چێندراوە گیانی سپارد.
هەر لە ڕاگەیەندراوەکەی وەزارەتی پێشمەرگەدا هاتووە، محەممەد ئەحمەد مستەفا، پێشمەرگەی فەوجی یەکی لیوای چواری پیادە، لە کاتی ئەرکی سەربازی دا لە یەکێک لە خاڵە سەربازییەکان لە شارەدێی کانی ماسێی سنووری قەزای ئامێدی بەهۆی تەقینی مینێکی کۆنی چێندراو گیانی سپارد.