دەستەی وەبەرهێنانی هەرێمی كوردستان ئاشكرای دەكات، لە ساڵی 2024 بەشێوەیەكی گشتی 179 پڕۆژە لە هەرێمی كوردستان مۆڵەتیان وەرگرتووە، زۆرینەی پڕۆژەكانیش لە هەولێر بووە.
دەستەی وەبەرهێنان بۆ ئاماری ساڵی 2024 رایگەیاند: 179 پڕۆژەی وەبەرهێنان مۆڵەتیان پێدراوە کە زۆرترینیان کەوتوونەتە پارێزگای هەولێرەوە.
راشیگەیاند: پڕۆژەكانی شاری هەولێر بە بەهای 2 ملیار و 173 ملیۆن و 27 هەزار و 50 دۆلاری ئەمەریكی بووە.
هەروەها رایگەیاند: کەمترین رێژەی وەبەرهێنانیش لە ئیدارەی سەربەخۆی سۆران بووە بە سێ پڕۆژە بە بەهای 26 ملیۆن و 281 هەزار و 506 دۆلار.
دەستەی وەبەرهێنانی كۆی پڕۆژەكانی ساڵی 2024 لە هەرێمی كوردستان بەمشێوەی خوارەوە بڵاوكردەوە:-
پارێزگای هەولێر 71 پڕۆژە.
پارێزگای دهۆك 36 پڕۆژە
پارێزگای سلێمانی 29 پڕۆژە
ئیدارەی گەرمیان 17 پڕۆژە
ئیدارەی ڕاپەڕین 13 پڕۆژە
ئیدارەی زاخۆ 10 پڕۆژە
ئیدارەی سۆران 3 پڕۆژە