ئەمڕۆ پێنجشەممە 30ی 1ی 2025، پارێزگای هەولێر ڕایگەیاند: “لەسەر فەرمان و ڕاسپاردەی مەسرور بارزانی، سەرۆکی حکوومەتی هەرێمی کوردستان و لەسەر بودجەی تایبەتی نووسینگەکەی، بە گوژمەی (15 ملیار دینار) لەسەر ڕووبەری نزیکەی 120 هەزار مەتر دووجا، پارکی ڕەشکین لە شاری هەولێر دروست دەکرێت.”
ئاماژەی بەوەش داوە، كە پڕۆژەی پاركی ڕەشكین لەم بەشانەی خوارەوە پێكدێت:
1- پەرژينى پڕۆژەكە بە درێژایی هەزار و 600 مەتر.
2-دروستكردنى گەراجى ئۆتۆمبێل.
3-دروستكردنى دوو كافترياى مۆدێرن.
4- دروستكردنى ڕێڕەوی ڕاکردن و پايسكلسواری.
5- دروستكردنى دوو عەمبارى ئاو بە قەبارەی 300 مەتر سێجا.
6- لێدانی بيرى ئاو بەقووڵی 500 مەتر.
7- كارى سيستەمى كارەبا و سيستەمى ڕووناککەرەوەی پڕۆژەکە.
8- سەوزایی و چاندنی هەزار دار و چيمەنى هەميشە سەوز و دەیان هەزار گوڵ.