وەزارەتی گواستنەوەی عێراق ڕایگەیاند، بوومەلەرزەیەک بە گوڕی 4.1 پلەی ڕێختەر لە باشووری ڕۆژئاوای پارێزگای کەرکووک ڕووی دا.
بەشی تۆمارکردنی بوومەلەرزە، لە وەزارەتی گواستنەوەی عێراق لە ڕاگەیاندراوێکدا بڵاوی کردەوە “ئەمڕۆ پێنجشەممە، 30ـی کانوونی دووەمی 2025، بوومەلەرزەیەک بە گوڕی 4.1 پلەی ڕێختەر لە قەزای حەویجەی سەر بە پارێزگای کەرکووک ڕووی دا.”
وەزارەتی گواستنەوە ئاماژەی بەوەش کردووە “بوومەلەرزەکە لەلایەن هاووڵاتیانەوە هەستی پێ کراوە.” بەڵام هیچ ئاماژەیەکی بە زیانی گیانی و ماڵیی بوومەلەرزەکە نەداوە.