بەڕێوەبەرایەتی هاتوچۆی هەولێر لە ئاگادارییەكدا بۆ شوفێران بڵاوی كردەوە “ئەمشەو دوای کاتژمێر 12:00 کامێراکانی تۆمارکردنی سەرپێچی تیژڕۆیی جێگیر لەم چوارڕیانەی کە لە لیستی هاوپێچ ئاماژەی پێکراوە دەکەونە کار”.
بڵاویشی كردەوە “كاركردنی كامێراكان بەشێوەی تاقیکردنەوە (تێست) دەبێت بۆ ماوەی 10 ڕۆژ تاوەکو ڕێکەوتی 7/2/2025، لە دوای ئەم رێكەوتەوە سەرپێچییەکانی تیژڕۆیی لە سیستمی سزادانی هاتووچۆ تۆمار دەکرێن.
كامێرا نوێیەكان بەشێوەیەكی گشتی ئەم سەرپێچییانەی خوارەوە تۆمار دەکەن:-
1/ نەوەستان لە گلۆپی سووری ترافیکلایت.
2/ لێخوڕین بە خێرای زیاتر لەو خێراییەی کە رێگەی پێدراوە بۆ تێپەڕین لە تڕافیکلایت لەو کاتەی گلوپی تڕافیکلایت سەوزە.
3/ زیاتر هاتەنە پێش و تێپەراندنی هێلی پەڕینەوەی پیادە لەو کاتە کە گلوپی تڕافیکلایت سوورە .
بەڕێوەبەرایەتی هاتوچۆی هەولێر داواشی لە شوفێران كرد پابەندی ڕێنمایەکان بن بۆ ئەوەی دووربن لە سزای پێبژاردن.
وێنە: شوێنی كامێرا نوێیەكانی تۆماركردنی سەرپێچی لە شاری هەولێر:
