بەرگری شارستانیی سۆران ڕایگەیاند، بەگشتی لەسەرەتای ئەم ساڵەوە تاوەکو ئەمڕۆ 650 ڕووداوی جیاوازیان لە سنووری بەڕێوەبەراتییەکەیان تۆمارکردووە.
ڕەوەند هاودیانی، بەرپرسی ڕاگەیاندنی بەرگری شارستانیی سۆران، تایبەت بەماڵپەڕی کوردستان24 گوتی:” ڕووداوەکانی ئەم ساڵ بەگشتی جۆراو و جۆر جیاواز بوون، بەڵام زۆرترین حاڵەتیان ئاگرکەوتنەوە بوون، لە نزیکەی 590 حاڵەت زۆرترینیان سووتانی پوش و پەڵاشبوون، بەشەکەی دیکەی ئاگرکەوتنەوەکان لە نێو ماڵان بووە”.
سەبارەت بە سووتانی ئۆتۆمبێلیش ڕەوەند هاودیانی ئاماژەیدا، ئەم ساڵ 60 حاڵەتی ئاگرکەوتنەوەی ئۆتۆمبێل هەبووە، بەشی زۆری بەهۆی شۆرتی کارەباییەوە بووە.
هەروا ئاماژەیدا، لەسنووری بەڕێوەبەرایەتی بەرگری شارستانیی سۆران، 18 حاڵەتی خنکان لەچەم و ڕووبارەکاندا تۆمارکراوە.