بەشی ڕۆشنبیری و ڕاگەیاندنی پارتی دیموکراتی کوردستان، بە بۆنەی (١٦)ەمین ساڵیادی دامەزراندنی ڕادیۆی مووسڵ پەیامێکی پیرۆزبایی ئاراستەی بەڕێوەبەر و ستافی بەڕێوەبردن و سەرجەم کارمەندان لە ڕادیۆی مووسڵ دەکات.
دەقی پەیامی ڕاگەیاندنی پارتی بۆ ڕادیۆی مووسڵ.
بەڕێزان/ بەڕێوەبەر و ستافی بەڕێوەبردن و سەرجەم کارمەندان و ھونەرکاران لە ڕادیۆی مووسڵ.
ئەمڕۆ (۱٦)مین ساڵیادی دامەزراندنی ڕادیۆی مووسڵە، دامەزراندنی ئەو ئێزگەیە ھەنگاوێکی گرینگی پارتیمان بوو لە بواری میدیا و ڕاگەیاندن لەو دەڤەرەدا، ھەروەھا ڕۆڵێکی کاریگەری ھەبوو بۆ خزمەتگەیاندن و برەودان بە کایە ڕۆشنبیری و کولتوورییەکان.
ڕادیۆی مووسڵ لە ڕێگەی چالاکیی ڕۆژانەی خۆیدا و پێشکەشکردنی بەرنامە ھەمە جۆرەکانییەوە توانیویەتی لە ئاست ئەو پەیام و بەرپرسیارەتییەی خۆی بێت بۆ داکۆکیکردن لە خواست و ویستی ھاووڵاتییان و جێگەی متمانە بێت.
لەو دەرفەتەدا وێڕای پیرۆزباییمان لە ئێوەو بیسەرانی ھێژا، دووبارە پشتیوانیی خۆمان بۆ ئێزگەکەتان دووپات دەکەینەوە و ئومێدەوارین بۆ لەمەودواش زیاتر بەرەوپێش بکەون.
بەشی ڕۆشنبیری و ڕاگەیاندنی پارتی دیموکراتی کوردستان