موحسین محەمەد، بەڕێوەبەری گشتی کۆمپانیای گشتی دانەوێڵە لە وەزارەتی بازرگانی عێراق لە ڕاگەیاندراوێکدا ئاماژەی بەوە داوە کە کۆمپانیاکەیان سبەی چوارشەممە 11/12/2024، دەست بە ئامادەکارییەکان بۆ دابەشکردنی بەشە دەیەم بەشە ئاردی ئەمساڵی سەبەتەی خۆراکی هاووڵاتیان دەکات لە ڕێگەی بریکارەکانی خۆراکەوە.
هەروەها ئەو بەرپرسەی وەزارەتی بازرگانی عێراق ئەوەشی خستووەتە روو کە کوالیتی ئاردەکە باشە و داواشی لە هاووڵاتیان کرد کە سەردانی بریکارەکانی خۆراک بکەن بۆ وەرگرتنی بەشەخۆراکی دیاریکراویان و بۆ دڵنیابوونەوە لەوەی بەشەخۆراکەکانیان لەلای بریکارەکاندا کەڵەکە نەبن.
هەرێمی كوردستان بۆ بەشەخۆراكی مانگانە، ساڵانە پێویستی بە نزیكەی 650 هەزار تۆن ئارد دەبێت کە بۆ هەر كەسێك نۆ كیلۆ ئارد دەدرێت.