هەڤاڵ سدیق گەلۆزی شارەزای كەشناسی رایگەیاند “ئێستا لە ناوچەکانی ئیدارەی زاخۆ و دهۆک و هەندێ ناوچەی هەولێر نمەباران دەستی پێ کردووە”.
راشیگەیاند “لە چەند کاتژمێری داهاتوودا بۆ درەنگانی شەو کاریگەری ئەم بارانبارینە زیاتر دەبێت ناوچەکانی دیكەی هەرێمی كوردستان دەگرێتەوە”.
شارەزاكەی كەشناسی پێشتر بڵاوی كردبووەوە: سبەی سێشەممەش لە زۆربەی ناوچەكانی هەرێمی كوردستان لە سنوورەكانی زاخۆ، دهۆك، هەولێر و كەركووك، سلێمانی، هەڵەبجە و ئیدارەی راپەڕین باران دەبارێت.
ئاماژەی بەوەش دابوو كە لەگەڵ بارانبارینەكە، شەپۆڵێكی سەرماش دەست پێ دەكات و پلەكانی گەرما لە سەنتەری شارەكان چەند پلەیەك دادەبەزن و لە ناوچە شاخاوییەكانیش بەفرێكی زۆر دەبارێت