لە چوارچێوەی پلانی شارەوانی بۆ چارەسەرکردنی ئاستەنگەکانی هاتوچۆ و بەرزکردنەوەی ئاستی خزمەتگوزاری لە سنووری شارەوانییەکەدا، لەسەر داهاتی سەرۆکایەتیی شارەوانیی دارەتوو پڕۆژەی دروستکردنی شەقامێکی 30مەتری جێبەجێ دەکرێت.
پڕۆژەکە ئێستا لە قۆناغی تێکەڵەڕێژکردندایە و کارکردنیش تێیدا بە باشی بەڕێوە دەچێت و ئاستەنگەکانی هاتوچۆ لەو شوێنەی دارەتوودا چارەسەر دەکات.
ئەو پڕۆژەیە لەسەر ڕێژەی 15%ی داهاتی شارەوانی و بەشێوەی ڕاستەوخۆ لەلایەن تیمی ئەندازیارانی سەرۆکایەتیی شارەوانیی دارەتوو و بەڕێوەبەرایەتیی گشتیی شارەوانییەکانی هەولێرەوە جێبەجێ دەکرێت.
پڕۆژەکە تەواوی بڕگەکان لەخۆ دەگریت و لە ماوەیەکی نزیکدا کاری دروستکردنی قاڵبی کربستۆن و قیرتاوکردنی بۆ ئەنجام دەدرێت.
هەولێر.. پڕۆژەی دروستکردنی شەقامێکی 30 مەتری لە دارەتوو جێبەجێ دەکرێت
