سەرۆك وەزیرانی عێراق سەردانی هەرێمی كوردستان دەكات و چەند بابەتێكی هەنووكەیی لەگەڵ بەرپرسانی هەرێمی كوردستان تاوتوێ دەكات.
ئەمڕۆ یەکشەممە 10/11/2024، سەرچاوەیەک لە حکوومەتی هەرێمی کوردستان ڕاگەیاندووە: “ڕۆژی چوارشەممە 13/11/2024، محەمەد شیاع سوودانی، سەرۆک وەزیرانی عێراق، سەردانی هەولێر و سلێمانی دەکات.”
سەرۆک وەزیرانی عێراق، مووچەی فەرمانبەران، پێکهێنانی حکوومەتی نوێی هەرێمی کوردستان، هەناردەکردنەوەی نەوت، سەرژمێریی گشتیی دانیشتوان، بارودۆخی ئێستای ناوچەکە و چەندان پرسی دیکە لەگەڵ بەرپرسانی هەرێمی کوردستان تاوتوێ دەکات.
سوودانی لەو كاتەوەی بووەتە سەرۆک وەزیرانی عێراق، سێ جار سەردانی هەرێمی کوردستانی کردووە، دوایین جاریش ڕۆژی 9/11/2023 بوو.