نرخى کارەبای مووەلیدە ئەهلییەکان بۆ هاووڵاتییانى شارى هەولێر و سلێمانی دیاری کرا.
شەممە، 2ـی تشرینی دووەمی 2024، قارەمان مەولود، سەرۆکی ئەنجوومەنی مووەلیدەکانی شاری هەولێر، ڕایگەیاند “نرخی ئەمپێری كارەبای مووەلیدە بۆ مانگى ئۆکتۆبەر دیاری کراوە کە لە هەشت هەزار و 750 وە دەست پێ دەکات تا 12 هەزار و 750 دینار.”
قاره‌مان مه‌ولود، روونیشی كرده‌وه “نرخی یەک کاتژمێر کارەبای مووەلیدە 43 دینار بووە، نرخی یەک لیتر گازوایلیش 530 دینار بووە.”
لای خۆیەوە عوسمان محەممەد، سەرۆکی کۆمەڵەی مووەلیدە ئەهلییەکانی سلێمانی ڕایگەیاند “لە سلێمانی بۆ مانگی ئۆکتۆبەر نرخی ئەمپێرێک کارەبای مووەلیدە لەنێوان 6 هەزار بۆ 7 هەزار و 500 دینارە، لە هەڵەبجەش بۆ مانگی 10 نرخی ئەمپێرێک کارەبای مووەلیدە هاوشێوەی سلێمانی بووە.