دوی ڕاگەیاندنی ئەنجامی بەرایی هەڵبژاردنی خوولی شەشەمی پەرلەمانی کوردستان، لەلایەن کۆمیسیۆنەوە دەستکرا بە پرۆسەی وردبینی کردنی ئەو وێستگانەی تا ئێستا دەنگەکانی جیا نەکراوەتەوە و ئەمڕۆ کۆتایی بەو پرۆسەیە دێت.
خالید عه‌باس به‌ڕێوه‌به‌ری ئۆفیسی دهۆكی كۆمیسیۆن له كۆنگره‌یه‌كی رۆژنامه‌وانیدا رایگه‌یاند: به ئاماده‌بوونی چاودێرانی بیانی و نوێنه‌ری پارت و لایه‌نه سیاسییه‌كان و رێكخراوه‌كانی كۆمه‌ڵگه‌ی مه‌ده‌نی و رۆژنامه‌نووسان وردبینی بۆ حه‌وت بتكه‌ی ده‌نگدان كراوه كه له ده‌نگدان گشتی به‌هۆی كێشه‌ی ته‌كنیكی گومانیان له‌سه‌ر دروستببوو، ئاماژه‌ی به‌وه‌ش كرد، ئه‌م وردبینیه هیچ كاریگه‌ری له‌سه‌ر ئه‌نجامه‌كان نیه و رێژه‌كه‌یان زۆر كه‌مه.
دوێنێ وردبینی له بازنه‌ی سلێمانی کرا و كۆتایی به پڕۆسه‌كه هێنرا لە سلێمانی و ئەمڕۆ‌ش وردبینی بۆ وێستگه‌كانی هه‌ولێر ده‌كرێت و به‌مه‌ش كۆتایی به پڕۆسه‌ی وردبینی كردن له‌سه‌رجه‌م پارێزگاكان دێت.
وتیشی: له‌گه‌ڵ پڕۆسه‌ی وردبینی كردن كار بۆ یه‌كلاكردنه‌وه‌ی سكاڵاكانیش ده‌كه‌ن. كۆمیسیۆن ئاشكراشی ده‌كات، لە ماوه‌یه‌كی نزیکدا پرۆسەی دابەشکردنی کورسییەکان بەسەر لایەنە براوەکان، و ئەنجامی کۆتایی هەڵبژاردنی خولی شەشەمی پەرلەمانی کوردستان بڵاودەکەینەوە.