سەرۆک بارزانی و کونسوڵی ڕووسیا، هەڵبژاردنی پەرلەمانی کوردستانیان تاوتوێ کرد
شەممە 21ی ئەیلوولی 2024، سەرۆک مەسعود بارزانی لە سەلاحەددین پێشوازیی لە ماكسیم ڕۆبین، كونسوڵی گشتیی ڕووسیا لە شاری هەولێر كرد.
بە گوێرەی ڕاگەیەندراوی بارەگای بارزانی، لەدیدارەكەدا، بارودۆخی سیاسی و دوا پێشهاتەكانی ناوچەكە باس و گفتوگۆیان لێوە کرا و هەروەها ڕۆشنایی خرایە سەر هەڵبژاردنی پەرلەمانی كوردستان لە ئۆكتۆبەری داهاتوو و پەیوەندییەكانی نێوان حكوومەتی هەرێمی كوردستان و حكوومەتی عێراقی فیدراڵ و دەرئەنجامە ئیجابیەكانی دوایین سەردانی سەرۆك بارزانی بۆ بەغدا.
هەر لەو دیدارەدا ئاماژە بە “پەیوەندیی مێژوویی و دۆستایەتیی دێرینی نێوان گەلی كوردستان و گەلی ڕووسیا و وێستگە گرنگەكانی ئەو پەیوەندی و دۆستایەتییە درا و كونسوڵی گشتیی ڕووسیا لە هەولێر ئەوەی دووپات كردەوە كە دۆستایەتی و پەیوەندییەكانی نێوان هەردوولا لە هەموو جۆرە بارودۆخێكدا بەردەوام دەبن و دەمێننەوە”.