سێشەممە 17ی ئەیلوولی 2024، مەسرور بارزانی سەرۆکی حکوومەتی هەرێمی کوردستان، لە سنووری شارۆچکەی قوشتەپە لە پارێزگای هەولێر بەردی بناغەی پرۆژەی ئاوی قوشتەپە و گوندەکانی دەوروبەری دادەنێت.
پرۆژەی ئاوی قوشتەپە بە گوژمەی 189 ملیار و 670 ملیۆن دینار دروست دەکرێت و پرۆژەیەکی ستراتیجی دەبێت بۆ دانیشتووانی شارۆچکەکە و دەوروبەری و لە ڕۆژێکدا توانای بەرهەمهێنانی 72 هەزار مەتر سێجا ئاوی پاک هەیە؛ بە تەواو بوونی، کێشەی کەم ئاوی سنوورەکە چارە دەبێت.
پرۆژەی ئاوی قووشتەپە یەکێکە لە پرۆژە ستراتیجییەكانی سنووری پارێزگای هەولێر و لە لایەن بەڕێوەبەرایەتیی گشتیی ئاو و ئاوەڕۆەوە سەرپەرشتیی دەكرێت. سەرچاوەی ئاوەكەشی لە زێی بچووكەوە لە سنووری گوندی قەشقە دابین دەكرێت، پێكهاتووە لە دووئەمباری گەورەی ئاو، یەكێك لە ئەمبارەکان دەکەوێتە سنووری بیستانە و یەكێكی دیکەشیان هەر لە سنووری قوشتەپە دەبێت.
پرۆژەكە توانای دابینکردنی ئاوی پاکی بۆ شارۆچکەی قوشتەپە و شارەدێی بێستانە و زیاتر لە 60 گوند دابین دەكات.