حكوومەتی هەرێم بڕیاری دا: گومرگ و پارەی تابلۆ لەسەر ئۆتۆمبێلی كارەبایی هەڵبگیرێ
لەلایەن حكوومەتی هەرێمی كوردستانەوە بڕیاردرا رەسمی گومرگی بە ڕیژەی 100% لەسەر هاوردەكردنی ئۆتۆمبێلی كارەبایی هەڵبگیرێ، هەروەها داواش كراوە كرێی تابلۆشیان بە خۆڕایی پێ بدرێت.
دەستەكە لە راگەیەنراوێكدا بڵاوی كردەوە: سه‌رۆكایه‌تی دیوانی ئه‌نجوومه‌نی وه‌زیران به نووسراوێك داوا له وه‌زاره‌تی دارایی و ئابووری هه‌رێمی كوردستان ده‌كات كاری پێویست ئه‌نجام بده‌ن بۆ هه‌ڵگرتنی ره‌سمی گومرگی له‌سه‌ر هاورده‌كردنی ئۆتۆمۆبێلی كاره‌بایی به‌ڕێژه‌ی (100%) له‌چوارچێوه‌ی هه‌نگاوه‌كانی بره‌ودان به ڕێكاره‌كانی پاراستنی ژینگه‌ی هه‌رێمی كوردستان.
بڵاویشی كردەوە: سەرەڕای هەڵگرتنی رەسمی گومرگ، له هه‌مان نووسراویشیدا ده‌سته‌ی ژینگه داوای كردووه وه‌زاره‌تی ناوخۆی هه‌رێمی كوردستان هه‌ردوو جۆری ئۆتۆمۆبیلی كاره‌بایی و هایبرێد له (كرێی تابلۆ) ببه‌خشێت.
هەروەها بڵاوی كردەوە: بۆ ئه‌م مه‌به‌سته سه‌رۆكایه‌تی دیوانی ئه‌نجوومه‌نی وه‌زیران به نووسراوی فەرمی ئاراسته‌ی وه‌زاره‌تی ناوخۆی هه‌رێمی كوردستانی كردووه بۆ به‌خشینی هه‌ردوو جۆری ئۆتۆمۆبیلی كاره‌بایی و هایبرێد له (كرێی تابلۆ).