كۆمیسیۆن: ئه‌و كاندید و لایه‌نانه‌ی به‌ر له بانگه‌شه‌ی هه‌ڵبژاردن بانگه‌شه‌ی پێشوه‌خته بكه‌ن سزاده‌درێن
پشكەكا بەربژارێن هەلبژارتنێن بهێت یێن پەڕلەمانێ كوردستانێ د تۆڕێن جڤاكی و لێدوانێن خۆ دا جۆرەكێ بانگەشێ بۆ خۆ دكەن. كۆمسیۆنا بلند یا هەلبژارتنێن عیراقێ دبێژیت، لیژنەكا تایبەت هاتییە پێكئینان و چەندین سزا بۆ سەرپێچكاران هاتینە ئامادەكرن. جومانە غەلای، پەیڤدارا كۆمسیۆنا بلند یا سەربەخۆ یا هەلبژارتنێن عیراقێ ڕاگەهاند، هەر بەربژار و لایەنەکێ پشكدار د هەلبژارتنان دا پێش دەمێ دیاكری بانگەشێ بكەت، سزایێ وی دێ ب سزایێ دارایی دەستپێكەت و هەتا هەلوەشاندنا بەربژاربوونا وی یان ژی بێبەشكرنا حزب و هەڤپەیمانییا سەرپێچكار د هەلبژارتنان دا.
ئەو سزایە ژی ژلایێ لیژنا تایبەت یا كۆمسیۆنێ و لدیڤ سەرپێچییا بەربژاری بڕیار دێ ل سەر هێتەدان. پەیڤدارا كۆمسیۆنا بلند یا سەربەخۆ یا هەلبژارتنێن عیراقێ ڕاگەهاند ژی كو ڕێ ب كەسێ ناهێتەدان بانگەشێ بكەت و پشتی پەسەندكرنا ناڤێ بەربژاران و ل دەمێ یاسایی دا دێ رێ ب بانگەشێ دهێتە دان.