ئاگره‌كه‌ی دوكانه‌كانی جوانكاری ئۆتۆمبێل له هه‌ولێر كۆنتڕۆڵكرا و زیانێكی زۆری مادی لێكه‌وته‌وه و تا ئێستا هۆكاری ئاگركه‌وتنه‌وه‌كه نه‌زانراوه.
شه‌وی رابردوو له‌سه‌ر شه‌قامی 60 مه‌تریی هه‌ولێر ئاگر له ژماره‌یه‌ك دوكانی جوانكاری ئۆتۆمبێل كه‌وته‌وه و چه‌ندین دوكان و كۆگا سووتان.
سەرچاوەیەک له شوێنی رووداوه‌كه رایگه‌یاند، كاتژمێر 10ی شه‌وی رابردوو ئاگر له دوكانه‌كانی جوانكاری ئۆتۆمبێل كه‌وته‌وه و به‌هۆی بونی ماده‌ی سوتێنه‌ر و چه‌ند مادده‌یه‌كی دیكه له‌نێو دوكانه‌كان ئاگره‌كه ته‌شه‌نه‌ی كرد.
گوتیشی هه‌ر زوو تیمه‌كانی ئاگركووژێنه‌وه گه‌یشتنه شوێنی رووداوه‌كه و هه‌وڵی كوژاندنه‌وه‌ی ئاگره‌كه‌یاندا، به گوته‌ی به‌ڕێوه‌به‌رایه‌تی به‌رگریی شارستانی 15 تیمیان به‌شداریان له كوژاندنه‌وه‌ی ئاگره‌كه كردووه.