پڕۆژەیەكی گرنگی ڕاكێشانی كارەبا بەگوژمەی 3.5 ملیار دینار جێبەجێ دەكرێ
ئەمڕۆ چوارشەممە 21ی 8ی 2024، وەزارەتی كارەبای حكوومەتی هەرێمی كوردستان لە پەیجی تایبەتیی خۆی لە تۆڕی كۆمەڵایەتیی (فەیسبووك) بڵاوی كردەوە، كە “پڕۆژەى ڕاکێشانی هێڵى 33 کەى ڤیی (بەردەقارەمان – بازیان) و (بەردەقارەمان – تەکیە) بە بڕی 3.5 ملیار دینار جێبەجێ دەكرێ.”
وەزارتی كارەبا ئاماژەی بەوەش كرد، كە “پڕۆژەکەی بازیان – چەمچەماڵ گرنگییەكی زۆری بۆ چارەسەرى کێشەى بارزۆریی وێستگەى 132 کەی ڤیی چەمچەماڵ هەیە، لەوانە کێشەی کەمیی ڤۆلتیەی ناحیەی ئاغجەلەر چارەسەر دەکات و سوودی بۆ ناوچەکانى بازیان و بەردەقارەمان و تەکیە دەبێت.”
باسی لەوەش كرد، كە ئەو پڕۆژەیە لەلایەن كۆمپانیای شاندزەوە جێبەجێ دەكرێت لە چەند ڕۆژی هاتووشەوە تەواو دەبێت.