ئەمرۆ چوارشەممە رێکەوتی 21.8.2024 لەژێر چاودێری وەزارەتی ناوخۆو، به ئاماده‌بوونی ئومێد خۆشناو پارێزگاری هەولێر و سه‌رۆكی زانكۆی سه‌لاحه‌ددین و بەڕێوەبەری هاتووچۆی هەولێر، به‌رێوه‌به‌ری ئه‌ندازه‌یی هاتوچۆی هه‌ولێرو سكرتێری ( ی. ق. ك) و ژماره‌یه‌كی به‌رچاو له لاوان و قوتابیان، لەسەر بودجەی پەرەپێدانی هاتووچۆی هەولێر بە گوژمەی ٠٠٠ ۷۹۳ ۳۸٤ دینار، بەردی بناغەی پڕۆژەی پردی پەڕینەوەی پیادە لە بەردەم بەشی ناوخۆیی شەهید شەوکەت شێخ یەزدین دانرا .
له وته‌یه‌كدا پارێزگاری هەولێر، دووپاتیكرده‌وه كه‌وا دروستكردنی ئه‌م پرده بۆ په‌ڕینه‌وه‌ی هاوڵاتیان به‌تایبه‌تی توێژی قوتابیانه له پێناو سه‌لامه‌تی گشتی و كه‌مكردنه‌وه‌ی رووداوی نه‌خوازراو له‌م شوێنی په‌ڕینه‌وه‌یه‌دا، كه لۆدێكی زۆری له‌سه‌ره‌و شه‌قامێكی قه‌ره‌بالغ و ستراتیژی هاتوچۆكردنه.
پارێزگاری هەولێر، سوپاسی بەڕێوەبەرایەتی هاتووچۆی هەولێرو ئه‌ندازه‌ی هاتوچۆی هه‌ولێری كرد، كه به په‌رۆشه‌وه گرنگیان به پرسی رێكخستنه‌وه‌ی شه‌قامه‌كانی پایته‌خت و ئه‌وله‌ویه‌ت دان به سه‌لامه‌تی هاوڵاتیان ده‌دات، ئه‌وه‌شی راگه‌یاند كه سه‌لامه‌تی هاوڵاتیان له پێشینه‌ی كاره‌كانی كابینه‌ی نۆی حكومه‌تی هه‌رێمی كوردستانه .
شایه‌نی ئاماژه بۆكردنه بریاره ئه‌م پرۆژه‌یه لە لایەن کۆمپانیای شلۆڤە لەماوەی۱۸٠ ڕۆژ جێبه‌جێ بكرێ …
هه‌ولێر … بە گوژمەی ٠٠٠ ۷۹۳ ۳۸٤ دینار، بەردی بناغەی پڕۆژەی پردی پەڕینەوەی پیادە لە بەردەم بەشی ناوخۆیی شەهید شەوکەت شێخ یەزدین دانرا
