به‌مه‌به‌ستی به‌خێرایی جێبه‌جێكردنی بڕیاره‌كه‌ی مه‌سرور بارزانی، سه‌رۆكی حكوومه‌تی هه‌رێمی كوردستان بۆ دابینكردن و دابه‌شكردنی زه‌وی به‌سه‌ر فه‌رمانبه‌رانی حكوومه‌تی هه‌رێمی كوردستان، هه‌نگاوی كرده‌یی بۆ ئاماده‌كردنی پارچه زه‌وی له سنووری شاره‌وانییه‌كان نراوه و ئێستاش كاركردن له‌سه‌ر ئه‌و بابه‌ت به‌رده‌وامه.
له‌وچوارچێوه‌یەشدا، لەلایەن تیمه ئه‌ندازیارییه‌كانی سه‌رۆكایه‌تیی شاره‌وانیی هه‌ولێر له كاركردن بۆ ڕووپێویكردنی ئه‌و زه‌وییانه‌ی بۆ فه‌رمانبه‌ران ئاماده ده‌كرێن، به‌رده‌وامبوون و به‌ره‌وپێشوونی باش به‌ده‌ستهاتوون.
وێڕای ئه‌وه‌ی كاركردن به‌رده‌وامه، هاوكات سه‌رۆكایه‌تیی شاره‌وانیی هه‌ولێر سه‌رجه‌م تیمه ئه‌ندازیارییه‌كانی خۆی ڕاسپارد بۆ ئه‌وه‌ی هەنگاوەکانی ڕووپێویکردنی زەوی، چڕتر و خیراتر بكه‌نه‌وه به‌مه‌به‌ستی دەستنیشانکردنی نەخشەکان لە نزیکترین کاتدا تاوه‌كوو فه‌رمانبه‌ران به‌زوویی له وه‌رگرتنی زه‌وی سوودمه‌ند ببن.