وەزارەتی پێشمەرگەی حکوومەتی هەرێمی کوردستان ناوی کاندیداکان بۆ بەشداریی لە خولی 85ی کولێژی ئەرکان لە بەغدا وەردەگرێت.
سەرۆکایەتیی ئەرکانی وەزارەتی پێشمەرگە لە بانگەوازێکدا، داوا لە هێزەکانی (70و80)ی پێشمەرگە و گشت بەڕێوەبەرایەتییەکانی سەر بە وەزارەتی پێشمەرگە، فەرماندەیی زێرەڤانی، بەرگری و فریاکەوتن، کۆلێژی ئەرکان، فیرقەکانی (4،3٫2٫1) و لیواكانی پیادە، بنکەکانی مەشقی (سلێمانی -کەرکوک – دهۆک) کرد کە ناوی کاندیداکانیان بۆ ڕەوانە بکەن بۆ بەشداریی لە خولی 85ی کولێژی ئەرکان لە بەغدا.
بە گوێرەی ڕاگەیەندراوەکەی وەزارەتی پێشـمەرگە، 15-07-2024، دوا وادەیە بۆ وەرگرتنی ناوی کاندیدان بۆ خولی 85ی کولێژی ئەرکان لە بەغدا.
وەزارەتی پێشمەرگە دەڵێت، پێویستە کاندیدان، ئەم مەرجانەیان تێدا بێت:
1. بە کالۆریۆس لە زانستی سەربازی.
2. خولی سەرکردایەتی تەواو کردبێت.
3. تەمەنی لە 38 ساڵ زیاتر نەبێت.
4. پلەی سەربازی نقیب یان رائد بێت.
5. زمانی عەرەبی بزانێت.