لە شارۆچكەی چەمچەماڵ 11 كەس دەستگیركران كە سەماعەی قۆپییەكردنیان بەڕێگەی ئۆنلاین كڕیبوو بۆ ئەوەی لە تاقیكردنەوەكانی پۆلی 12ی ئامادەییدا قۆپییە بكەن.
ئاسایشی سلێمانی بڵاوی كردەوە: پاش بەدواداچوون و کۆکردنەوەی زانیارییەكان لە سنووری شارۆچكەی چەمچەماڵ توانرا 11 تۆمەتبار دەستگیر بکرێن.
بڵاویشی كردەوە: تۆمەتبارەكان بەشێوەی ئۆنلاین ئامێری قۆپییەکردنیان کڕیبوو و ویستبوویان بۆ تاقیکردنەوەکانی پۆلی 12ی ئامادەیی بەکاری بهێنن.
ئاماژەی بەوەش دا كە ، ئێستا سەرجەم تۆمەتبارەكان بە ماددەی 240 لە یاسای سزادانی عێراقی ڕاگیراون و لێکۆڵینەوە لەدۆسییەکانیان بەردەوامە