سەرۆکوەزیران مەسرور بارزانی پرسەنامەیەک ئاراستەی ئوسامە نوجەیفی و ئەسیل نوجەیفی دەکات
ئەمڕۆ چوارشەممە سەرۆکی حکوومەتی هەرێمی کوردستان، پرسەنامەیەکی ئاراستەی ئوسامە نوجەیفی ئەمینداری گشتیی حزبی متحدون و سەرۆکی پێشووتری ئەنجوومەنی نوێنەرانی عێراق و ئەسیل نوجەیفی پارێزگاری پێشووتری نەینەوا کرد بۆ کۆچی دوایی باوکیان کە ئەمە دەقی پرسەنامەکەیە؛
بەڕێزان:
ئوسامە نوجەیفی، ئەمینداری گشتیی حزبی متحدون و سەرۆکی پێشووتری ئەنجوومەنی نوێنەرانی عێراق، ئەسیل نوجەیفی پارێزگاری پێشووتری نەینەوا.
بۆ کۆچی دوایی باوکی بەڕێزتان خوالێخۆشبوو حاجی عەبدولعەزیز نوجەیفی، پرسە و سەرەخۆشیتان لێ دەکەم و هاوبەشی خەمتانم. خوای مەزن گیانی خوالێخۆشبوو بە بەهەشت شاد بکات و سەبر و ئارامییش بە بنەماڵە بەڕێزەکەتان ببەخشێت.
مەسرور بارزانی
سەرۆکی حکوومەتی هەرێمی کوردستان