سەرۆكی حكوومەتی هەرێمی كوردستان سەبارەت بە كارەكانی كابینەی نۆیەم لە كەرتی كشتوكاڵدا رایگەیاند كە چەندان دەستكەوتی گەورەیان بەدەستهێناوە، بەڵێنیشی دا كاری زیاتریش لە كەرتی كشتوكاڵ و سەرجەم كەرتەكانی دیكەدا بكەن.
مەسرور بارزانی سەرۆكی حكوومەتی هەرێمی كوردستان ئەمڕۆ سێشەممە سەردانی شارۆچكەی بەردەڕەشی كرد و لەوێ كێڵگەیەكی بەرهەمهێنانی پەتاتەی بەسەركردەوە و چاوی بە ژمارەیەك جوتیاری ناوچەكە كەوت و لەگەڵیاندا كۆبووەوە.
دوای سەردانەكە، مەسرور بارزانی لە تۆڕی كۆمەڵایەتی ئێكس پەیامێكی بڵاو كردەوە و تێیدا دەستكەوتەكانی كابینەی نۆیەمی حكوومەتی هەرێمی كوردستانی بە تایبەت لە كەرتی كشتوكاڵدا خستەڕوو.
سەرۆكی حكوومەت بەمجۆرە دەستكەوتەكانی كابینەكەی خستەڕوو:-
– زیادبوونی وەبەرهێنانی کشتوکاڵی لە 1.5% بۆ 10% .
– مۆڵەت دان بە کۆمپانیای پاکێجکردن و بەرهەمهێنانی هێلکە و ماست و شیر و زەیتی زەیتون و چەندانی دیکە.
– بەروبوومی هەنار و سێو و هەنگوین خرانە بازاڕی وڵاتانی کەنداو.
مەسرور بارزانی سەرۆكی حكوومەتی هەرێمی كوردستان هەر لە كەرتی كشتوكاڵدا بەڵێنی بە جوتیاران دا كە بۆ داهاتوو کاری زیاتریش دەکەن