ئەمرۆ یەکشەممە رێکەوتی 12-5-2024 بە ئامادبوونی ئومێد خۆشناو، پارێزگاری هەولێر و بەشێکی بەرچاو لە کادیران و کەسایەتی و چین و توێژەکان و سکرتێر و ئەندمانی مەکتەبی سکرتاریەتی ئافرەتان و خانەوادە و کەس و کاری شەهید، ڕێورەسمی 50 ساڵەی شەهیدکردنی لەیلا قاسم لە مەکتەبی سکرتایەتی یەکێتی ئافرەتانی کوردستان بەڕێوچوو.
لە ڕێورەسمەکەدا، وێرای كردنه‌وه‌ی پیشه‌نگایه‌كی تایبه‌ت به‌و بۆنه‌یه‌وه، چەندین وتار لە بارەی خەبات و تێکۆشانی شەهید لەیلا قاسم پێشکەش کران، هەر بەو بۆنەیەوە پەردە لەسەر پەیکەری ئافرەتی ئازاد هەڵدرایەوە …
شایەنی وەبیرهێنانەوەیە ڕژێمی بەعس بە مەبەستی تۆقاندن و چاوترساندنی لاوان و قوتابیان و ڕۆشنبیرانی كورد، دوای دەستگیرکردنی لەیلا قاسم و هاوڕێکانی ڕاستەوخۆ لە دادگایی کردنێکی نا دادپه‌روەرانە، بڕیاری لە سێدارەدانی بۆ لەیلا قاسم و ھاوڕێكانی دەركرد، ئەوە بوو لە كاتژمێر 7ی بەیانی ڕۆژی 12ی ئایاری 1974 لەیلا قاسم بە جلی کوردی و ھەر چوار ھاوڕێكەی بە ناوەکانی جەواد ھەمەوەندی، نەریمان فوئاد، حەسەن حەمەڕەشید و ئازاد سلێمان لەسێدارە دران.
هەولێر …. 50هەمین ساڵیادی شەهیدکردنی لەیلا قاسم بەرز ڕاگیرا
