سەرۆك بارزانی بەبۆنەی 31 ساڵەی دامەزراندنی بنگەی لالش پەیامێكی بڵاو كردەوە و تێیدا پیرۆزبایی لە ئەندام و كادیرانی بنگەكە و تەواوی خوشك و برایانی ئێزیدی كرد.
سەرۆك بارزانی لە پەیامەكەدا رایگەیاند: بنگەی لالش لە ماوەی ساڵانی رابردوودا سەرەڕای كۆسپ و ئاستەنگەكان، خزمەتێكی بەرچاوی پێشكەش بە كولتووری گەلی كوردستان و پاراستنی نەریتەكانی جڤاكا ئێزیدییان كردووە.
دەقی پەیامەكەی سەرۆك بازرانی بەبۆنەی 31 ساڵەی دامەزراندنی بنگەی لالش:-
بناڤێ خودایێ مەزن و دلۆڤان
بەرێزان سەرۆک و ئەندامێن دەستەیا بلندا بنگەهێ لالش
ب هەلکەفتا سیهوئێك ساڵیا دامەزراندنا بنگەهێ لالش پیرۆزباهیێن خۆ ئاراستەی ھەوەیێن بەرێز و ئەندام و کادرێن بنگەهێ لالش و هەموو خوشک و برایێن ئێزدی دکەم. بنگەهێ لالش د سالێن بووریدا دگه‌ل هه‌مى كۆسپ و ئاسته‌نگیان، ب هه‌ولا خەمخۆر و كادر و ڕەوشەنبیرێت جڤاكا ئێزدی، خزمەتەكا بەرچاڤ پێشكەشی كولتوورێ گەلێ كوردستانێ و پاراستنا نەریتێت جڤاكا ئێزدیان كریە.
پشتەڤانیێ ل بزاڤ و ماندیبوونا بنگەهێ دکەم و هیڤییا بەردەوامیێ و پێشکەفتنێ بۆ هەوە و هیڤییا ئارامی و خۆشیێ بۆ هەموو خوشک و برایێن ئێزدی دخوازم و هەر سەرکەفتی بن.
بمینن دخێر و خۆشیاندا
مسعود بارزانی
11ی ئایارا 2024