زیاتر لە 70 كۆمپانیای گەشتیاری و فڕۆكەوانی هەرێمی كوردستان بەشداری لە پێشانگایەكی جیهانی لە دوبەی دەكەن كە بڕیارە سبەی بكرێتەوە و بۆ ماوەی چەند رۆژێك بەردەوام بێت.
شاندێکی گەشتوگوزاری هەرێمی کوردستان یاوەری کۆمپانیاكان دەبن لە پێشانگای بازاڕی گەشتیاری عەرەبی (ATM) کە بڕیارە لە رۆژانی 6 تا 9ی ئایار لە شاری دوبەی لە وڵاتی ئیمارات بەڕێوەبچێت.
پێشانگاکە كە بە یەکێک لە پێشانگا هەر گرینگەکانی جیهان لە بواری گەشتیاری ئەژمار دەکرێت، بە بەشداری ژمارەیەکی زۆر لە کۆمپانیا و دامەزراوەی گەشتیاری وڵاتان بەڕێوە دەچێت، بۆ یەکەمجاریشە هەرێمی كوردستان بە زیاتر لە 70 کۆمپانیای گەشتیاری و فرۆکەوانی بەشداری پێشانگاكە بكەن.
ئامانج لە بەشداریکردنی پێشانگاكە، بریتییە لە ناساندن و بەبازاڕکردن بۆ شوێنە گەشتیاری و شوێنەوارییەکانی هەرێمی کوردستان و ئاشناکردنی بەشداربووانی پێشانگا بە سروشت و دروستکردنی پردی پەیوەندی لەنێوان کۆمپانیا گەشتیارییەکانی کوردستان و وڵاتانی بەشداربوو بە مەبەستی راکێشانی سەرنجی گەشتیاران