شۆفێران له داخرانی شه‌قامێكی سه‌ره‌كی له پارێزگای سلێمانی ئاگادارده‌كرێنه‌وه.
ئه‌مڕۆ چوارشه‌م 13ى3ى2024، به‌ڕێوه‌به‌رایه‌تی هاتووچۆی سلێمانی بڵاویكرده‌وه، هاوڵاتییان و شۆفێران ئاگادار دەکەینەوە، لە ئەمڕۆوە 13ـی ئادار تا کاتیکی نادیار شەقامی کاوە لە بەردەرکی سەراوە بەرەو فلکەی ئەسحابە سپی بەربەست دەکرێت.
ئاماژە بەوەش داوه، بەربەست کردنی شەقامەکە بە مەبەستی هەڵکەندن و دووبارە چاککردنەوەی ریگاکەیە کە لەلایەن کۆمپانیایەکەوە ئەنجامدەدرێت، تا ئه‌و كاته‌ی كۆمپانیای ڕاسپێردراو به‌و ئه‌ركه كاره‌كانی خۆی ته‌واو ده‌كات و شه‌قامه‌كه به ڕووی شۆفێراندا ناكرێته‌وه.
هاتووچۆی سلێمانی راشیگه‌یاندووه، دوابەدوای تەواو بوونی چاککردنی شەقامەکە بەڕووی شۆفێراندا دەکرێتەوە و داوا لە شۆفێران دەکەن تا کاتی تەواوبوونی هەڵکەندن و چاککردنی شەقامەکە ئەو رێگایە بۆ هاتوچۆکردن بەکارنەهێنن.