یانی ئه‌مڕۆ شه‌ممه 9ی3ی2024، ئاگرێک لە کۆگایەکی کەلوپەلی بیناسازی لە ناوچەی پیشەسازی باکوور لە هەولێر کەوتووەتەوە و تیمەکانی بەرگریی شارستانی سەرقاڵی کۆنتڕۆڵکردنی ئاگرەکەن.
بەپێی زانیارییەکان، لەکاتی چوونی کارمەندەکان بۆ کۆگاکە، لە یەکێک لە دەرگا کارەباییەکان، شۆکی کارەبا دروست بووە و بەهۆیەوە کۆگاکە ئاگری تێبەربووە.
بە هۆی ئەوەی بەشێک لە کەلوپەلەکان بریتیین لە بۆیاغ و سلیکۆن و تەنەر و ئەو ماددانەی کە زوو گڕ دەگرن، لە ماوەیەکی کەمدا ئاگرەکە تەشەنەی سەندووە.
هەر بەپێی زانیارییەکان، کۆگاکە بە بەهای چەندین ملیۆن دۆلار کەلوپەلی بیناسازی تیادایە و تەنیا زیانی ماددی کەوتووەتەوە.
لە ئێستادا تیمەکانی بەرگریی شارستانی هەولێر خەریکی کۆنتڕۆڵکردنی ئاگرەکەن و تیمەکانه تەندروستی گەیشتوونەتە شوێنەکە.