سەرۆک بارزانی پێشوازی لە باڵیۆزی فەرەنسا لە عێراق کرد و، بارودۆخی سیاسی، دواپێشهاتەکانی عێراق و ناوچەکەیان تاوتوێ کرد.
ئەمڕۆ دووشەممە 26ی شوباتی 2024، لە سەلاحەددین سەرۆک مەسعود بارزانی پێشوازی لە پاتریک دۆرێل، باڵیۆزی فەرەنسا لە عێراق کرد.
بە گوێرەی راگەیەندراوی بارەگای بارزانی، لە دیدارەکەدا کە یان برێم، کونسوڵی گشتیی فەرەنساش لە هەولێر ئامادەی بوو؛ بارودۆخی سیاسی و دواپێشهاتەکانی عێراق و ناوچەکە تاوتوێ کراوە.
هەر لەو دیدارەدا باڵیۆزی فەڕەنسا لە عێراق و شاندی یاوەری پرسە و سەرەخۆشیی خۆیان بە سەرۆک بارزانی گەیاند بۆ کۆچی دوایی خاتوو (زەکیا مستەفا بارزانی)ـی خوشکی سەرۆک مەسعود بارزانی.