یەکەم رۆژی پرسەی خوالێخۆشبوو زەکییا مستەفا بارزانی لە هۆڵی تەشریفاتی بارەگای بارزانی لە پیرمام بەڕێوەچوو.
ئەمڕۆ شەممە، 24-02-2024، یەکەم ڕۆژی پرسەی خوالێخۆشبوو زەکییا مستەفا بارزانی، خوشکی سەرۆک مەسعود بارزانی لە پیرمام بە بەشداریی ژمارەیەکی زۆر لە سەرکردەی لایەنە سیاسییەکانی هەرێمی کوردستان و عێراق بەڕێوەچوو.
دوێنێ هەیینی، 23-02-2024، دوای ماوەیەک مانەوە لە نەخۆشخانە، زەکییا مەلا مستەفا بارزانی، خوشکی سەرۆک بارزانی لە نەخۆشخانەیەکی هەولێر کۆچی دوایی کرد.
بارەگای بارزانی لە راگەیەندراوێکدا ئاماژەی بەوە کرد، پرسەی خوشکی سەرۆک بارزانی بۆ ماوەی سێ رۆژ لە كاتژمێر 10:00 تاوەکو 12:00ـی پێشنیوەڕۆ و ئێوارانیش كاتژمێر 02:00 تاوەکو 05:00ـی ئێوارە لە هۆڵی تەشریفاتی بارەگای بارزانی لە پیرمام بەڕێوەدەچێت.
هەر بەبۆنەی کۆچی دوایی خوشکییەوە؛ هێز و لایەنە سیاسییەکان لەسەر ئاستی ناوخۆ و دەرەوە پرسە و سەرەخۆشی خۆیان بە سەرۆک بارزانی راگەیاند.