فه‌رماده‌یی ناوه‌ندیی ئه‌مه‌ریكا بڵاوی كرده‌وه: ئێواره‌ی ئه‌مڕۆ یه‌كشه‌م به درۆنێكی بۆمبڕێژكراو هێرشكرایه سه‌ر بنكه‌یه‌كی سوپای ئه‌مه‌ریكا له‌سه‌ر سنووری نێوان هه‌ردوو وڵاتی ئوردن و سووریا.
ئاماژه‌ی به‌وه‌ش دا: له ئه‌نجامی هێرشه درۆنییه‌كه‌دا 3 سه‌ربازی سوپای ئه‌مه‌ریكی كوژران، هه‌روه‌ها 25ی دیكه‌ش بریندار بوون.
بنكه سه‌ربازییه ئه‌مه‌ریكییه‌كه ئه‌وه‌ی هێرشی كراوه‌ته سه‌ر، ده‌كه‌وێته باكوری رۆژهه‌ڵاتی ئوردن له‌سه‌ر سنووری وڵاتی سووریا.
تا ئێستاش هیچ هێز و لایه‌نێك به‌رپرسیاره‌تی خۆی له هێرشه‌كه‌دا رانه‌گه‌یاندووه