ئێواره‌ی ئه‌مڕۆ یه‌كشه‌م به درۆنێكی بۆمبڕێژكراو هێرشكرایه سه‌ر بنكه‌یه‌كی سه‌ربازی سوپای ئه‌مه‌ریكا له‌نێو خاكی وڵاتی ئوردن له‌نزیك سنووری سووریا، له ئه‌نجامی هێرشه‌كه‌ش 3 سه‌ربازی سوپای ئه‌مه‌ریكی كوژران و 25ی دیكه‌ش بریندار بوون.
جۆ بایدن سه‌رۆكی ئه‌مه‌ریكا له‌سه‌ر ڕووداوه‌كه ته‌ئكیدی كرده‌وه كه له ئه‌نجامی هێرشه‌كه‌دا 3 سه‌ربازی وڵاته‌كه‌یان كوژراوه.
ئاماژه‌ی به‌وه‌ش دا كه هێرشه‌كه به درۆنی بۆمبڕێژكراو كراوه‌ته سه‌ر سه‌ربازگه‌یه‌كی سوپای ئه‌مه‌ریكا له باكوری رۆژهه‌ڵاتی ئوردن.
سه‌رۆكی ئه‌مه‌ریكا گوتیشی: هێرشه‌كه له‌لایه‌ن میلیشیاكانی سه‌ر به ئێران ئه‌نجامدراوه كه له عێراق و سووریا كار ده‌كه‌ن.
جۆ بایدن جه‌ختیشی كرده‌وه كه ئه‌و هێرشه‌ی ئه‌مشه‌و پێشهاتێكی گه‌وره‌یه و به دڵنیاییشه‌وه له كاتێكی گونجاو وه‌ڵامێكی گونجاویان بۆ هێرشكاران ده‌بێت.