سێشەممە, تشرینی دووه‌م 26, 2024

سبەی شەپۆلێکی بارانبارین هەرێمی کوردستان دەگرێتەوە

پسپۆڕێكی كه‌شناسی رایگه‌یاند كه‌ پێشبینی ده‌كرێ له‌مشه‌وه‌وه‌ بارانێكی زۆر له‌ ناوچه‌كانی هه‌رێمی كوردستان ببارێت به‌شێوه‌یه‌ك كه‌ له‌ هه‌ندێ ناوچه‌ ره‌نگه‌ رێژه‌كه‌ی بگاته‌ 50 ملیم.

محه‌مه‌د كه‌لاری پسپۆڕی كه‌شناسی ڕایگه‌یاند: ئێستا قۆناخی چڕبوونه‌وه‌ی هه‌وره‌كان له‌ ئاسمانی هه‌رێمی كوردستان ده‌ستی پێ كردووه‌ و پێشبینی ده‌كرێ‌ له‌ دره‌نگانی ئه‌مشه‌و به‌دواوه‌ و هه‌روه‌ها سبه‌ی چوارشه‌م‌ بارانێكی زۆر باش هه‌رێمی كوردستان بگرێته‌وه‌.

ڕاشیگه‌یاند: جگه‌ له‌ بارانبارینه‌ زۆره‌كه‌‌، ئه‌گه‌ری ڕوودانی هه‌وره‌تریشقه‌ی توندیش هه‌یه.

پسپۆڕه‌كه‌ی كه‌شناسی پێشبینی كرد ئه‌م ناوچانه‌ بارانه‌ زۆره‌كه‌ بیانگرێته‌وه‌، كۆیه‌، سلێمانی، سۆران، ڕانیه‌، قه‌ڵادزێ، به‌رده‌ڕه‌ش، كه‌ورگۆسك، ڕواندز، مێرگه‌سۆر، هه‌ڵه‌بجه‌، مه‌یدان، چه‌مچه‌ماڵ، بارزان و ده‌ربه‌ندیخان، له‌گه‌ڵ به‌شێكی زۆری ناوچه‌كانی ده‌وروبه‌ری.

جه‌ختیشی كرده‌وه‌ كه‌ له‌ هه‌ندێ شوێن ئه‌گه‌ری به‌رزبوونه‌وه‌ی ئاستی ئاو و هه‌روه‌ها بارانبارینی 50 ملیم هه‌یه، ئه‌مه‌ جگه‌ له‌ دابه‌زینی پله‌كانی گه‌رما بۆ 4 پله‌ به‌راود به‌ رۆژانی رابردوو.