ستیڤن هیچن، باڵیۆزی بەریتانیا لە عێراق لە پەیامێكدا، سەرەخۆشی خۆی ئاراستەی خانەوادی قوربانیانی هێرشە مووشەكییەكەی شەوی رابردووی سەر شاری هەولێری پایتەخت دەكات و پشتیوانی خۆیی بۆ هەرێمی كوردستان دووپات دەكاتەوە و نووسیویەتی: ئەم كردەوە دووژمنكارییەی ئێران دژ بە هەولێر سەركۆنە دەكەم، كە بووەتە پێشێلكردنی سەروەری عێراق و ئاسایشی هەرێمی كوردستان.
كاتژمێر 11:30ی شەوی 15 لەسەر 16ی كانوونی دووەمی 2024، سوپای پاسدارانی ئێران بە چەندین مووشەكی بالیستیكی چەند ناوچەیەكی سڤیلنشینی هەولێری بوردومان كرد، بەداخەوە بەپێی ئامارە سەرەتاییەكان چوار هاووڵاتیی سڤیل شەهید و 6 كەسی دیكەش بریندار بوون، كە ڕەوشی تەندروستیی هەندێ لە بریندارەكان ناجێگیرە.
باڵیۆزی بەریتانیا لە عێراق ئیدانەی هێرشە مووشەكییەكانی سوپای پاسداران بۆ سەر هەولێر دەكات
