ئەمڕۆ سێشەممە، وەزارەتی دەرەوەی ئەمریكا بە توندی ئیدانەی هێرشە مووشەكییەكانی سوپای پاسدارانی ئێرانی بۆ سەر هەولێری پایتەختی هەرێمی كوردستان كرد ، كە بەهۆیەوە ژمارەیەك هاووڵاتی مەدەنی شەهید و بریندار بوون.
ماتیۆ میلەر، وتەبێژی وەزارەتەكە لە بەیاننامەیەكدا ڕایگەیاند، ئەمریكا بە توندی ئیدانەی هێرشەكانی ئێران لە هەولێر دەكات و سەرەخۆشی لە كەسوكاری كوژراوان دەكات.
ئاماژەی بەوەشكرد، ئێمە دژی ئەو هێرشە مووشەكییە بێباكانە دەوەستین كە لەلایەن ئێرانەوە دەكرێت و سەقامگیری عێراق تێكدەدات.
گوتەبێژی وەزارەتی دەرەوەی ئەمریكا لە درێژەی قسەكانیدا گوتی: پشتیوانی لە هەوڵەكانی حكومەتی عێراق و حكومەتی هەرێمی كوردستان دەكەین بۆ بەدیهێنانی خواستەكانی گەلی عێراق.
ئەمریكا ئیدانەی هێرشە مووشەكییەكانی سوپای پاسدارانی ئێران بۆ سەر هەولێر دەكات
