تەقینەوەی بوتڵێكی غاز مردنی سێ کەسی لێکەوتەوە

سەرچاوەیەكی ئەمنی لە كەركوك ئەمڕۆ شەممە بڵاویكردەوە، لە ئەنجامی تەقینەوەی بوتڵێكی غاز لەناو ماڵێكدا لە قەزای حەویجە لە باشووری ڕۆژئاوای كەركوك، دایکێک و دوو منداڵ گیانیان لەدەستدا..
ئەو سەرچاوەیە بە میدیای عێراقی ڕاگەیاندووە، لە ئەنجامی دزەكردنی غاز لە چێشتخانەی ماڵەكانیاندا، دایکێک و دوو كچی تەمەن 10-12 ساڵ گیانیان لەدەستداوە، كە بووەتە هۆی تەقینەوە بوتڵەكە غازەكە و دارمانی سەقفی چێشتخانەكە لە گوندی عینادییە لە باكوری ڕۆژئاوای قەزای حەویجە.
ئاماژەی بەوەشكرد، دوای رووداوەكە تیمەكانی فریاكەوتن و بەرگری شارستانی سێ تەرمەكەیان گواستووەتەوە بۆ فەرمانگەی پزیشكی دادوەری كەركوك، هاوكاتیش لایەنە ئەمنییەكان پەڕاوی لێكۆڵینەوەیان بۆ ڕووداوەكە كردۆتەوە.